無綫《萬千星輝賀台慶》前晚在將軍澳電視廣播城舉行，掌舵人六叔邵逸夫44年來首度缺席，只安坐家中睇電視。不過全台藝員依然落力演出，被視為今屆視后大熱的胡杏兒出賣男友黃宗澤的個人特徵，取笑他條脷好短，全場爆笑！鄧健泓則成為今年幸運兒，獨得過百萬元獎金及禮品。
前晚104歲生日的六叔雖未能親身到電視城賀台慶，不過逾百藝人卻花盡心思演出，王祖藍、阮兆祥和李思捷三位搞笑高手掀起全晚高潮，他們在「萬千星輝福祿壽」環節扮香港先生，犧牲色相穿上泳褲，李思捷因濕身後透視黑色底褲兼激凸，引來尖叫聲不絕。
陳豪認得茵媺耳仔
幾對熱戀情侶也成為被玩對象，在「登登登對獎門人」環節中，徐子珊奉命要估曾經與他拍咀戲的黃宗澤（Bosco）條脷，子珊找來宗澤女友胡杏兒幫手，杏兒一時口快大爆：「佢條脷好短。」此話一出即令全場爆笑，錢嘉樂拉Bosco到台前，Bosco扮惡說：「你知唔知男人好棹忌俾人話短……條脷！」
Bosco事後投訴女友說：「女人真係口疏，爆人啲秘密，搞到落台後人人問我係咪真係咁短，我咪話：『係又點吖？』」Bosco被追問有何長處？他說：「我真係唔識答呀，命長、腳長囉，叫杏兒出返嚟解釋呀。」反而拍拖未夠一年的陳豪和陳茵媺較合拍，陳豪一估即估中女友的耳仔，陳茵媺笑言如果讓她估，她一定能估中陳豪的牙齒，因兩人都有兔仔牙，認真合拍。
此外，鄧健泓和陳茵媺成為最後兩位有機會抽終極巨獎的幸運兒，龔嘉欣和陳豪都有上台為另一半打氣，最終由鄧健泓中獎，獨得超過100萬元獎金及禮品，當中包括1萬元現金及20萬免簽賬額，他興奮說：「其實喺38周年台慶我都抽中一封大利是，但當時去咗大便攞唔到，今次攞番晒真係好開心。」
鄧健泓同志雲Yeah
鄧健泓透露剛置業，會將獎金儲入基金內，但未考慮買婚戒，他說：「我都要多謝嘉欣，一齊慶祝啦，希望將運氣keep到工作上，剛才亦有同陳生（陳志雲）做yeah手勢。」
採訪：王崇穎、黃曉妍、何慧斯
攝影：仇志德、陳順禎、黃文偉
