回望14年警隊生涯，Billy感受到當差壓力非常大，理想與現實差距太大，令他很心淡。「當差係一件矛盾嘅事，有時就算明知件事有唔妥，但自己仲喺警隊就唔可以講出口、或者同上司撐，今次就係一個例子。」也因為這樣，他坦承當「男子漢」日子毫不留戀，連穿警察制服照也只能於舊居找回一兩張。
Billy透露警隊生涯最不開心的事發生在99年，當時他在旺角「掃黃隊」駐守，每日工作是放蛇、抓人及上庭指證疑犯。有次辯方律師指他可能混淆了不同案件細節，結果令疑犯脫罪。「其實問題唔大，但當時上司同另一個指揮官不和，個指揮官就搵我祭旗，調走我之餘，仲搵廉署跟我。」
「家唔會再身不由己」
離開警隊前月入達2.5萬元，他坦言當時家人都反對他離職，甚至連當初反對他當警察的父親也一樣。Billy表示離開警隊後更開心、人變得更充實，證明了選擇是正確的，「家唔會再身不由己、可以做番自己。」
離職後大數警隊不是，會否怕得罪舊同袍？「冇得咁講，我只係講番事實啫。」他表示，離開警隊後想得更清楚︰「有錯就要認，不可以連自己都騙掉。當然有啲同事可能會覺得我『走咗之後喺度講呢啲嘢』，但我相信，當有一日佢哋離開警隊，一定會有同樣感受。」