一向鍾意打羽毛球嘅朱玲玲，噚日走咗去睇喺紅館舉行嘅「香港羽毛球錦標賽」決賽，淡掃娥眉兼一身休閒打扮嘅佢無損最美麗港姐嘅美譽。同場仲有學咗3年羽毛球嘅林曉峰，佢由周二舉行嘅外圍賽開始已經係座上客，噚日佢仲帶埋兩個囝囝一齊捧場，林曉峰仲話自己係林丹迷，08年仲同林丹有過切磋機會㖭。