無綫和五大唱片因版稅問題令關係破裂足足兩年，最終台慶前夕雙方終傾掂數和解，卻令一直力撐無綫的英皇不滿，但身為英皇旗下歌手的容祖兒、古巨基和林峯卻支持無綫與五大破冰，齊跟公司唱反調，祖兒坦言：「自己只係求好玩。」
五大唱片公司和無綫因為版稅問題，雙方反目長達兩年，其間五大公司歌手如陳奕迅、謝安琪、薛凱琪和周柏豪等先後亮相亞視和有線，明剃無綫眼眉。不過本報昨日率先披露，無綫和五大唱片終於在台慶前夕傾掂數和解，五大歌手可以再度在無綫亮相兼出席明年舉行的《勁歌金曲》總選，甚至有傳無綫准許五大歌手可以自由亮相其他媒體宣傳。不過，無綫此舉卻令一直力撐的英皇相當不滿，皆因頒獎禮上獎項被五大分薄。
基仔：我睇獎項好輕
昨日無綫在電視城舉行記者會，高層樂易玲承認跟五大就版稅達成協議，雙方已簽約有效期至2014年，不過樂易玲強調版稅和歌手合約是兩回事，跟五大商議時並未有提及合約問題，樂易玲不諱言：「TVB製作嘅節目依然會先用有合約嘅藝人，不過當然唔係全部歌手同TVB都有約，好似一啲天王級或身處海外嘅歌手都冇。」
不過無綫和五大和解後，有傳惹來一直力撐無綫的英皇不滿，樂易玲否認有此事。至於下年初舉行的《勁歌》總選安排可有改變？樂易玲強調：「《勁歌》頒獎禮係畀有合約嘅歌手而又有喺《勁歌金曲》plug歌嘅歌手參與，家已經係12月，只剩一季，所以今年同上年係一樣！」擺明向英皇大派定心丸。
另外，身為英皇歌手的容祖兒、古巨基和林峯前晚到廣州出席《勁歌王》頒獎禮，對於五大和無綫和解，三人竟跟公司唱反調一致讚好，祖兒說：「作為歌手，多人玩梗係開心啲，英皇人都係咁講，自己只係求好玩。」基仔表示同意，他說：「多啲歌手參加係好事，至於話多咗人爭獎，我一向睇獎項都好輕。」至於因五大唔玩造就林峯前兩年在《勁歌》得獎，不過林峯依然說：「我支持和解，無論電視同樂壇一樣，一個人玩唔晒。」
Kay樂易玲尷尬合照
謝安琪（Kay）前晚到灣仔出席CASH頒獎禮，巧遇樂易玲，原本樂易玲想轉身走人，但被記者捉住和Kay影合照。對於五大和無綫破冰，Kay說：「大家可以再合作梗係開心，歌手都想有多啲平台可以宣傳，觀眾又可以有多啲選擇。」
至於前晚舉行的《勁歌王》頒獎禮，除了祖兒、林峯和古巨基外，李治廷和黎明（Leon）等都有出席，Leon獨得四獎成大贏家，英皇則共奪27個獎稱冠，當中祖兒連續8年成為歌后，基仔則是第5年奪得歌王。提到有不少明星幫襯的寵物店，有獸醫助理涉在洗手間裝攝錄機偷拍，祖兒說：「我有去過間診所探阿詩隻貓，但唔記得有冇去過洗手間，如果嗰個人真係咁做，心理好唔平衡。」
採訪：何慧斯、胡比
攝影：曾小嘉、陳慧安
