「校花」唔同三色台簽約，一心只想喺內地發展賺人仔，佢一直目標為本，佢睇好內地市場需求大，所以專揀啲同內地關係好嘅公司合作。早幾日關仁同朋友喺北京一個夜場消遣，目睹校花名不虛傳嘅一幕，校花一向電力強勁，嗰晚佢周圍放電冧老細嘅場面，真係嘆為觀止，校花直頭有殺錯冇放過，經人介紹畀佢識嘅男士只要有頭有面，有權勢有影響力，佢都會好主動咁又攬又抱，飲多兩杯時，仲坐埋大髀㖭！講真，校花都算係一個有實力嘅演員，關仁相信佢唔使做到自己咁cheap，一樣可以憑實力喺內地有一番作為，而且仲可以贏得別人尊重，校花咁識做人，點解睇唔通呢點。
撰文：關仁