陳冠希再爆慾照，舊愛黃榕立即跟他劃清界線，以免被拖垮冇得撈。近年密密北上登台銀的黃榕，昨晚獲邀到廣州演出，今晚轉場杭州，下周還會到福建，一周三場，據知酬勞不俗。
黃榕昨日在電話中說：「我睇微博知道Edison噚晚都喺廣州唱，不過我就冇興趣去睇。」
「當佢透明」
當黃榕聽到要入夜場睇Edison最少花600蚊人仔，她不屑說：「畀番我就差唔多，我一定唔會畀錢睇佢，見到都當佢透明，呢世都唔想再見到佢。」對於落難Edison被迫唱夜場賺取生活費，可覺他辛酸？黃榕不予同情說：「見仁見智啦！」
黃榕因為狂轟Edison舊愛Cammi，引發跟她的同門Fantasy成員在微博開火，部份成員揶揄年屆30歲的中女黃榕卻好意思以模自居，黃榕嬲爆回應：「佢哋識唔識尊重吓人，我當年都係十幾歲出道，同佢哋一樣，將來佢哋都會30歲啦。」
採訪：比華利