俄超富豪球隊馬哈奇卡拉成日都想簽巨星，今次就傳杜奧巴，仲傳願意出1,000萬鎊（約1.23億港元）年薪利誘佢，如果成事，杜奧巴拍伊度奧呢對非洲前鋒，都咪話唔勁。想借杜奧巴大名嘅仲有英國小偷，佢假扮杜奧巴朋友，同歐洲其他珠寶公司假意買珠寶，實則偷嘢，好彩小偷被繩之於法，家就喺倫敦法庭審理緊。