荷李活影星奇洛李維斯（KeanuReeves）明年1月將會在中港澳三地拍攝自導自演新片《太極俠》（ManOfTaiChi），連日來他在北京為挑選女主角會見不少女星，但尚未有合適人選，前日又秘密來港物色兼睇景，昨日廖碧兒與唐文龍等演員都分別到他下榻的酒店試鏡，與他接觸過的演員都大讚奇洛很有魅力和親民。
奇洛李維斯自導自演新片《太極俠》得到澳洲的VillageRoadshow及中影集團投資約2億港元開拍，上周他赴京做事前籌備，為戲中角色會見不少男女演員，包括黃聖依、周冬雨、劉亦菲與何超儀等，前日他秘密來港為演員試鏡，同時又相約安樂電影老闆江志強見面，主要找對方協助為明年1月來港和澳門拍外景的製作安排。
昨午1時奇洛相約一位中年女子在酒店中餐滿福樓吃中菜，剛巧被IPS宣傳公司老闆Peter黃撞見，事後他更把奇洛的照片放上微博，Peter接受本報訪問說：「今日食中午飯撞到佢，諗唔到佢咁nice，走嗰時佢俾食客認出，叫佢簽名、合照，佢都一一答應，真係好親民。」
碧兒：佢好nice
飯後奇洛在酒店房間陸續會見不同演員，據悉他在酒店租了一個房間做臨時工作室，不斷在房內接見不同類型的演員和模特兒，該片除未找到女主角人選外，戲中還有其他女角和功夫高手角色要找人試鏡，故奇洛會多留港兩、三天才返京。
昨午約3時廖碧兒到奇洛下榻的灣仔萬麗海景酒店參與試鏡，會面約一個多小時，事後記者致電廖碧兒，她說：「係佢試鏡，但詳情唔講得。」約4時許又見到唐文龍來試鏡，一個小時後他步出酒店，並表示：「我諗唔到係奇洛本人親自見我，佢好nice，傾咗一陣，其實我覺得演出機會係千分之一，不過有機會嚟試鏡見到佢本人已好開心。」
該片男主角陳虎今次有陪同奇洛來港，昨日他表示：「係，我的確陪奇洛來香港睇景同選角，呢幾日佢會陸續見唔少女演員，因為導演仲未揀啱，佢想再見多啲人先作最後決定，不過因為我自己喺北京仲有嘢做，所以會先行返北京，奇洛自己留低傾嘢！」
採訪：譚倩兒、楊浩賢、龍婉琪
攝影：葉君海
