樂瞳同何雁詩噚日出席喺尖沙嘴舉行嘅化妝品活動，樂瞳喺今年無綫台慶頒獎禮有份提名飛躍進步女藝員，聽講佢嘅呼聲仲好高，樂瞳知道後好開心咁話：「係咪你哋講咋？不過有份提名已經好開心，可以話已經達到咗自己嘅目標，我當然希望可以攞埋個獎啦。」講到會着乜嘢戰衣嚟競獎，佢就話：「唔會太性感，或者會露吓背，我對背脊嘅信心大啲。」