一套《那些年》，打破晒香港今年華語片票房紀錄，睇個勢仲有得挑戰星爺嘅《功夫》，都咪話唔厲害，小弟上個月已經睇咗，都真係唔錯，不過要睇嘅朋友相信已經睇咗，無謂多講。
反而想講吓家戲院放映時間，熱門電影隨時隔半個鐘就一場，密過巴士班次，最衰就係小弟想睇一啲非主流電影，好似九把刀另一小說改編嘅《殺手歐陽盆栽》，一係就中午場，一係就特別夜場，唔上定網check定播放時間，隨時摸門釘。
周日英超車路士大戰利物浦，肯定係全港最強戲碼，車路士今年個勢回落好多，費托又繼續廢，如果一年只賭一場波，利物浦受讓係我必然之選。
文：牽牛
星期日30
車路士vs利物浦
心水：利物浦（下）
心得：利物浦唔怕費托