每日都要坐廠車返工，由於之前嗰間租車公司堅唔掂，車長態度唔好都算啦，最慘係架車又殘又舊又臭，有次仲着火，所以公司近排亦同番再之前嗰間合作。以前見慣見熟嘅日班車長唔同晒，換來一班新面孔，而其中一個仲同小豬有幾分相似，都幾型㗎。另外，班次亦好準時，特別係夜班，以前嘅車成日遲到，一起標就10分鐘，有時仲誇到遲半粒鐘都夠膽死，不過家陣再冇呢啲問題，抵讚。
今晚德甲大戰，拜仁主場對多蒙特，拜仁今季好掂，踢出嚟嘅進攻足球，拍得住地上最強嘅巴塞，不過多蒙特話晒係上季盟主，始終有咁上下實力，半場可能分唔到勝負，一於推介[半和]。
文：青蛙仔
星期六59
拜仁慕尼黑vs多蒙特
心水：拜仁慕尼黑[半和]
心得：強撼強，半場好難分到勝負