【本報訊】被指是簡炳墀競爭對手，上水鄉事委員會現任主席侯志強，就是建議村代表舉報簡的關鍵人物，早前更到法庭作供頂證簡。他昨日聞簡罪名成立時說：「正所謂族大有乞兒，樹大有枯枝。」不忘踩多一腳，說會跟委員會研究，是否拆走上水區鄉事委員會大樓簡炳墀的題字。
「新界人一向守法」
記者在簡被定罪後致電侯，曾形容簡是死黨的侯即表現興奮說：「我等緊你哋嚟㗎啦。」於今年2月在上水鄉事委員會改選執委會時將簡擊敗成為主席的侯表示，一直留意案件的發展。侯聲稱：「我本人心情非常之沉痛，對一個喺地區有咁大貢獻嘅人，今日搞到咁嘅田地，俾奸人害成咁，我真係表示惋惜。」侯認為簡也是受害人。「希望簡生反省吓，究竟邊個先係真正害佢嘅人。十幾年來，一路咁害緊佢，突然間轉軚又話支持佢，然後又害到佢坐監」。
他更說，相信簡是「受人唆擺，被奸人所害」下犯案。侯指鄉事委員會選舉一向公平公正，今次賄選是個別事件，不會成為風氣，還得戚的說：「我個人嚟講，最唔贊成呢啲咁嘅行為（賄選）。」他指「新界人一向都奉公守法」，認為今次可能是有壞分子在挑撥離間。
侯早表示，雖然跟簡老友，但面對犯法的事，不得不大義滅親。他早前出庭作供，被辯方揭發74年曾犯盜竊，當時他解釋：「鄉下仔偷番薯食經常發生。」