小弟絕非潮人，但不去接觸新事物，準會落後，被不斷掩至的洶湧巨浪冲走；舊手機4仔被狂㩒好快老化，有得tradein攞番3千幾蚊換部新嘅4S，都不致太浪費。閒來玩吓Siri，闊別十年又並肩作戰的同事何西目睹，認為對住部機器講嘢係病態；但不用撥鍵，只要發聲準確，已可致電對方，實是好玩。當然系統未太成熟，有時要試多幾次先得，但總有一天，可能部5仔連廣東話都識聽，到時睇吓何西兄會唔會換番部玩吓。
賭波也要向前看，無謂只記掛往昔美好，曾幾何時係巨型班的紅鑽，今季踢到不知所謂，是否降班未知數，但要讓得起朝氣勃勃嘅仙台，難矣。
文：蘋果波神
星期六5
浦和紅鑽vs仙台維加泰
心水：仙台維加泰（下）
心得：無謂憧憬昔日美好