威高（1173）嚟緊月尾派半年度成績表，而對上兩個交易日，開始有鑊氣，。威高主打女性時裝「Wanko」及「Veeko」，又透過「Colourmix」經營連鎖店式化妝品業務。今年嚟，大市雖則橫風橫雨，但祖國自由行嚟港旅遊消費雅興，一啲無減，零售銷售好，威高應該繼續肥仔水。唔好計多，威高2012年度（3月底止）純利，係咁意翻半番，上到1億銀，預期PE落到6.5倍，集團單係維持去年度派息，息率都過5厘。講PE，講息率，兩個字：「吸引！」再講，集團化妝品業務，只要keep住有板有眼，一樣有分拆潛質，威高家底有升值潛力。呢轉買威高，博上番近半年橫行區0.4元，現價（0.3元）潛在回報率33%，預期PE未有耐上到雙位數。
錦興冷灶煲得過
錦興（275）低位橫行咗三季，連合股供股，及受大市拖累效應，現價（0.205元）仲殘過08年金融海嘯期，相對最新NAV2.35元，兼且大幅折讓91%。將NAV打個五折到1.18元，錦興折讓仍然高達82%，殘到爆，冷灶認真煲得過。買錦興，博煲中線，翻一番到0.4元，折讓82%，翻兩番到0.8元，NAV折讓仲有60%過外。
錢雋