關之琳、舒淇、桂綸鎂、張靜初、吳尊、張智霖等昨晚雲集中環出席意國大師GiorgioArmani遮打大廈旗艦店重新開幕派對，星光熠熠，吸引大批fans圍觀，過百傳媒守候。久未露面的49歲大美人關之琳，同場遇上以EmporioArmani代言人身份、儼如主人家的舒淇，兩位大牌美人同場卻姍姍來遲。關之琳孖住好友金燕玲現身，她說：「我好怕出嚟，又要狀態好，又冇乜嘢傾。」她和54歲台灣富商陳泰銘的友好關係浮面，問到感情是否很穩定？她避談說：「唔係唔係，你睇我又擔天又望地，我都想走。」話畢即閃人。
桂綸鎂鏟青
舒淇穿上20幾萬靚裙，性感低胸離罩，她表示無意做邦女郎：「冇試鏡，冇人搵我，我冇乜興趣！」邦女郎只要靚及性感，她說：「呢啲留畀其他人，我做咗十幾年，家想唞吓，唔拍戲，唔想冇晒拍戲嘅熱情，想休息吓先。」問到老闆可有投訴？她說：「佢話我係一棵搖錢樹，不過佢唔志在我啲錢。」她坦言想調整生活，吃喝玩樂見朋友。
桂綸鎂剪了一個半邊鏟青短髮現身，非常清爽，她透露配合新片的學生造型。
採訪：譚倩宜、盧妹
攝影：陳順楨
