楊秀惠早前返馬來西亞出席妹妹Fiona的訂婚派對，圈外男友Ray都有陪伴她出席兼見家長。訂婚儀式只邀請一對新人的好友參加，秀惠形容過程輕鬆溫馨，她說：「其實佢出年初先擺酒，今次只係個簡單儀式，連化妝都係妹妹自己搞掂。佢哋仲搵咗牧師見證宣誓，不過大家都冇喊，只係新郎哥緊張到唔識講嘢。」
「身材好過我」
問到被妹妹爬頭可有急住想結婚？秀惠說：「爸爸媽咪都冇催婚，佢哋知我事業心重，男友都冇求婚。」她透露原本想折現給妹妹做賀禮，但在機場見到一件款式時尚的金器即轉軚，令妹妹滿心歡喜。
秀惠在訂婚派對上穿上密實的淡紫色裙，風頭被穿tubedress的妹妹蓋過，她說：「妹妹行禮，當然要最搶鏡，加上佢身材一向好過我，細粒圓潤啲，仲有S身材，佢家嫁得咁好，我都好戥佢開心。」
撰文：林妃