寶島性格歌王「稀稀」媾女有一手，緋聞多到未停過，但依然有唔少妹妹仔黐埋身，不過講真佢又真係好有才華，唱得又彈得，尤其係佢啲琴技真係迷倒唔少少女。不過話明係性格歌王，稀稀有時啲行徑又真係特立獨行啲，話說佢早年開演唱會時喺台上自彈自唱，忽然間佢彈得越嚟越快，同佢有晒默契嘅樂隊都覺得奇怪，點解歌王會忽然改咗節奏，由於台下觀眾唔知發生乜事，仲聽得好投入，班樂隊只好努力配合稀稀，點知稀稀一彈完即衝去後台，原來稀稀喺台上突然人有三急，仲要開大個隻，呢啲嘢真係好難忍，所以佢先急急彈完琴就衝入後台搵廁所，真係估佢唔到呢。
撰文：關仁