一提起鄧麗欣，除了會聯想到她的男友方力申外，還有一系列與葉念琛導演合作的愛情電影，一向斯斯文文的她，在電影《保衛戰隊之出動喇！朋友！》中飾演反叛少女，穿上制服儆惡懲奸，她表示不想被定型，也不想重複做過的事，故暫不會再與葉念琛合作和拍愛情小品。
鄧麗欣（Stephy）在電影《保衛戰隊之出動喇！朋友！》中與麥浚龍合作，二人的角色在現實中剛好相反，Stephy說：「佢係做屋邨長大嘅男仔，我就做有錢女，現實中我同佢啱啱相反。」
起初怕嚴肅王羽
Stephy起初對飾演其父的王羽有點畏懼，因為樣子嚴肅，後來才發覺是另一回事，Stephy說：「佢好nice好可愛，成日變魔術大家開心，又當我真係好似佢個女咁，成日摺紙送畀我。」
由被認定為「葉念琛電影女主角」到自立門戶，Stephy可算爭回一口氣，她說：「我鍾意葉念琛電影嘅角色，但就好似局限咗我喺度，事實上我唔想被定型，所以呢一年接嘅電影角色好唔同。我唔想再重複以前做過嘅，所以暫時唔會揀拍愛情小品，當然我好多謝葉導演幫我打咗一個咁好嘅基礎。」
擘林家棟口狂打
《保》片由70後卡通《宇宙大帝》引伸出來，80後的Stephy並沒看過，演出時她只能代入美少女戰士去儆惡懲奸，她說：「呢套戲好夢幻，我好鍾意套制服，最難忘嘅一場戲就係導演要我自己諗方法對付林家棟，因為當時佢捉住我爸爸，所以我要出盡力去打佢。最後我選擇擘大佢個口再搏命打，佢當時真係郁唔到，拍完之後我冇晒力。」
採訪：李珮洳
攝影：陳順禎
髮型：VincepgofILColpoPlatinum
化妝：Boo
服裝：b+ab
場地：SmartLivingElements（E-maxMaxHome）
