入境處近年嚴打假結婚，不斷抽查中港夫妻，甚至突擊搜查住所，令原本各不相識的「假夫妻」，要急忙尋回另一半了解背景，私家偵探由此而來的尋人生意大旺。私家偵探張大偉說，最近兩年幾乎每天都接到一單「尋夫」或「尋妻」的生意，當中以福建、湖南和廣東韶關女子尋港夫的個案最多。
「佢哋淨係知道老公個名同身份證號碼，住邊、做乜，樣樣唔知，連一張相都冇，佢哋唔講我都估到係假結婚。呢啲個案好難做，搵到機會只係百分之三十」。
成功尋人收六千元
張說兩個月內若成功尋人，便會收客人6,000元，找不到就只收一半。
律師黃國桐指出，內地配偶一旦申請單程證，便是入境處展開調查的時候，即使「配偶」獲發單程證到港，之後離婚，入境處仍會進行離婚覆查，任何時候都可以被起訴，刑責跟足一世。
「就算冇事，但離婚時分分鐘同你分身家。有啲搵唔返『配偶』嘅，要搵律師幫你查移民局，又要登報紙尋人，再向法庭申請代派票通知書，程序好繁複，收費肯定過萬蚊，得不償失」黃說。
《蘋果》記者