VintageWatches　襟撈玩家

家有一老如有一寶，何止適用於人，手中一枚古董靚款錶亦絕對越久越值。論保值力，Rolex和Panerai早已被人所公認，來自五十年代的Panerai錶款或七十年代的Rolex的原裝錶款更值過百萬，誰說買錶要貪新鮮，道理猶如紅酒。以賣上述兩大古董錶的Patrick和Thomas，由收藏到早前開店，目的就是要帶起這份中古潮。

記者：雷福財
攝影：李玉梅
Model：Michelle

重聲譽可驗證

買錶是投資，Patrick便是活生生例子，當年入手第一枚Rolex後即上癮，再購下SeaDweller系列，轉手便賺了幾萬，於是開始買賣有潛力手錶，現時入貨日日Check。對於新手入門或保證問題，Patrick更表示客人可到品牌驗證。Patrick：「賣錶最看重聲譽，客人付款後即使有唔放心，亦可自行到品牌驗證。家做的客人全部是香港人，由街客做到成為Friend，主要是我們不只賣錶，更是與一班愛錶者互相交流心得。如你賣假貨或分唔到真貨，行內人早晚會知。」

■Panerai（Pam21、90's）Radiomir腕錶$1,500,000

兩大保值錶王

陳奕迅曾唱「命中減少幾秒，多買一隻錶」即使誇張了一點，但店長Patrick也曾於10多年前儲了半年人工購入第一枚Rolex5513軍潛。當年5萬，二手價現升約85萬。自此迷上手錶，更只睇上年代久遠的Rolex及Panerai，越買越多。半年前遇上同道人Thomas，一拍即合，便放棄做了20年的室內設計工作，開店HKVintageWatches（時計匯）賣古董錶。Patrick說：「Rolex的保值力根深蒂固，也是年輕時人人最想擁有的第一隻名貴錶。入門版平易近人，約2至3萬。每款推出的數量都Set定，推出後又會停一輪才出或停產，供不應求。另外就是質素和款式，最受人追捧的都屬Sporty款式，如Submariner、Explorer、SeaDweller、Daytona等，機芯具功能走時穩定，亦解釋了其二手市場企得咁硬。至於同屬深潛錶的Panerai，由推出至今都保留着四十年代簡約味，厚身大錶面加上3、6、9、12數字盤，深受年輕人追捧，其款式越Basic，二手價越高。」

■Panerai（6152、50's）Radiomir腕錶$1,250,000

■Rolex（6541、50's）PaulNewman腕錶$1,300,000

教客人選原裝

另一店長Thomas主要為HKVintageWatches找外國貨源，過程猶如尋寶，更是有錢都未必買到。跟一眾大行或錶舖不同，他們走的是玩舊裝原廠錶，就是要搜羅世界各地的絕版Rolex及Panerai，店中更藏有多枚過百萬的四五十年代Panerai手錶，標明是非賣品。Thomas說：「喺香港，玩Vintage錶的人不及歐洲Hit，即使連一些Vintage錶帶都少之又少，這卻促使我們由意大利引入。現時店內可說齊集了過去所有Rolex古董錶的型號，每款大約只有1至2隻，越是陳年型號，升值力越高。」玩了20年錶的Patrick更充當顧問身份，提供質優的古董錶準則。Patrick：「最重要是錶款要原汁原味，跟出廠當年一樣。未經打磨、錶面無翻新、無補過色等。更重要是客人可自行上網Check咗先，通常一單交易都要4至5日。」