作個人發展的盧凱彤（Ellen），今年算是豐收的一年。為了宣傳《掀起》一碟，Ellen開了11場音樂會，讓不少內地樂迷認識她。由於聖誕及除夕要到外地工作，Ellen於下月舉行兩場音樂會與歌迷慶祝佳節。
今年獨立發展的Ellen除了推出了《掀起》一碟，更為其他歌手的演唱會擔任結他手，工作不斷。Ellen舉行了11場「掀起連場音樂會」，她更稱開騷開上癮，所以趁有新歌推出，決定於下月27及28日在九展舉行一個全新的音樂會，與歌迷補祝聖誕及提早慶祝新年。
自資搵男人幫忙
Ellen指隻身到內地開騷宣傳真不容易，因為公司預了某一個數目的宣傳費，故不可能帶一隊樂隊出埠，所以只好親力親為，她說：「由於內地唔係個個地方嘅音響都OK，我做得騷就想畀最好嘅嘢歌迷，所以自己畀錢請咗個男人幫我set音響，我堅持要有好嘅質素；每一次計埋經理人，三個人拎住一大堆樂器同行李去，由於內地真係太大，如果唔係親身去宣傳，根本啲人唔會識你，所以開音樂會係最好嘅方法。」
Ellen下月的音樂會名為「一個人回家」，她解釋這一年來身邊少了好拍檔林二汶，故此每次完成工作都是一個人回家，感覺有點孤寂，問她會否想找到另一半陪她回家，Ellen笑言：「我都想搵到人陪呀，呢一年咁樣飛嚟飛去，我連屋企個花灑壞咗都係打電話叫老竇幫我整。今年賺到最多唔係錢，而係飛行里數，我連shopping嘅時間都冇。」
採訪：李珮洳
攝影：陳順禎
化妝：KrisWong
髮型：DerrickNg
場地提供：ZENSE