梁朝偉主演王家衛的《一代宗師》，拍攝經年，仍未完工。劉嘉玲昨晚在銅鑼灣出席活動，抱怨偉仔忙足全年，自己連見老公一面都沒機會，無從觀察老公所需，連聖誕都為保護老公免受傷，只能在家靜靜吃聖誕餐。
劉嘉玲昨晚在銅鑼灣時代廣場主持亮燈，她穿上內地設計師郭培為Barbie設計的透視金裙真人版，非常亮麗性感，她笑言自己到了現時年紀，一樣喜歡Barbie公仔。
老公不便出埠
下月聖誕，劉嘉玲透露未有慶祝計劃，主要看梁朝偉檔期，嘉玲抱怨偉仔太忙，她說：「我好flexible，佢比較忙，今年特別忙，連續拍咗三部片。」聖誕可會出國？她說：「佢要好好保養，唔可以受傷，佢仲未完成《一代宗師》，所以都應該係兩個人靜靜喺屋企過，交換吓聖誕禮物。」她埋怨今年連老公的面都少見：「一年中，我哋都會交換吓禮物，好浪漫，但家未有心水，我要成年細微咁觀察老公要乜先知，但佢成日唔喺度，所以我家都未有頭緒。」
下月只顧購物
嘉玲和偉仔拍拖多年，她大讚老公比她更細心體貼：「有時我講過一句話，做過一個表情，佢就會買到嗰樣嘢，好surprise！」她表示下月聖誕，加上是自己生日月，所以會整個月都enjoyshopping，至於會否DIY溫暖牌毛衣或下廚炮製愛心餐，嘉玲即說：「細個學過織嘢，家都係幫襯人哋，促進經濟啦。煮嘢我就只係沙律、公仔麪同大閘蟹，不過我煮乜佢都話好食。」
採訪：盧妹
攝影：林德雄
