吳雨霏（Kary）啱啱簽咗新藝寶，有傳唱片公司為咗鞏固佢嘅一姐地位，會造就商台頒獎禮中嘅叱咤女歌手銅獎頒畀佢。咁啱噚日Kary現身商台，問佢對呢個傳言點睇，佢話：「我唔識喎，唔知公司點，不過我入行9年，今年係我第一年有份參與女歌手獎，如果有獎都好開心，我隻歌喺幾個電台都係冠軍歌，我對自己啲歌有信心！」