中國前日喺A組作客怒炒新加坡4球，本來都值得開心，不過點知同晚伊拉克作客反勝約旦3:1，搞到國足正式緣盡世界盃。而國足出局，最唔開心嘅一定係班中國球迷啦。國足返國，接機嘅球迷就得小貓三四隻！我求大俠真係戥國足班球員慘，出局還出局，炒人4球都叫回勇之作呀。
而呢位球迷亦掛咗幾張標語，有一張仲幫教練甘馬曹打氣：「輸球不怨甘馬曹，韋迪急功近利，不懂球的滾球！」矛頭直指中國足協。至於B組形勢，因為南韓爆冷輸畀黎巴嫩1:2而變得好亂。第3位嘅科威特5戰有8分，少南韓同黎巴嫩2分，如果2月尾最後一場南韓對科威特出事，「太極虎」就大鑊了！