仲有兩個月就到2012年，唔少球會都推出年曆，但好似巴拉福特咁，將對方球員擺喺自己年曆個封面度（圖），就認真失魂囉！件衫係棗紅橙直間嘅巴拉福特，誤將曾經係佢哋球員、現效力侯城嘅艾迪保拿嘅相，放咗喺佢哋個年曆，初時佢哋都唔知，直至收到球迷投訴先知，於是立即收回。點解會咁？設計師原來揀咗張侯城對巴拉福特嘅比賽相，但因巴拉福特係着作客波衫，於是就誤將橙黑直間衫嘅侯城嘅艾迪保拿，當成係巴拉福特球員，結果擺咗個大烏龍。雖則錯咗，巴軍嘅營運總監保雲好幽默就話：「個錯體年曆當作收藏品啦！」