嚟緊會喺九展開騷嘅楊千嬅，噚日接受商台訪問，自從同丁子高結婚後，佢幾乎每次訪問都會講起老公，提到佢兩公婆相處之道。千嬅話老公從來都唔畀面佢，成日喺大庭廣眾直斥佢嘅不是，千嬅講笑話：「試過喺我啲同事面前話我，搞到我啲同事都唔知點算好，成日扮聽唔到，話晒我都係一個藝人，成日兜口兜面話我，好唔醒目。」