黃宗澤同惠英紅噚日喺電視城為無綫新節目《中國達人秀港澳招募賽》擔任面試評判，講到胡杏兒被問到視帝人選時，笑指黃宗澤係「腳背」，更指佢會輸，黃宗澤話：「我同佢講咁大膽撐你，仲話我係腳背，好彩唔係腳板底，腳背都係肉，但我點都撐佢。我就預咗等，今年對手咁強，有人讚吓個角色已經好開心，唔使話攞到先最開心。」