英格蘭中場「萬人迷」碧咸(圖)如果唔同洛杉磯銀河續約,今季就會係最後一季喺呢支美職聯球隊效力,不過,30有6嘅佢今季依然唔欺場,仲帶領銀河殺入美職聯總決賽,難怪喺日前就獲得頒發美職聯鹹魚翻生獎(MLSComebackPlayeroftheYear)。可惜,碧咸嘅努力,英格蘭領隊卡比路就似乎唔多欣賞,呢名意大利籍領隊話現時並冇打算重召碧咸踢2012歐國盃,就算係擔任英格蘭到時嘅場外事務都冇諗過。卡比路仲好風凉咁話:「相信碧咸只會有機會入選英國奧運隊。」