早前同無綫結束多年賓主關係嘅王喜，噚日到尖沙嘴出席時裝店開幕。佢認為外面天大地大，好彩大家都對佢好好，家喺北京拍新片《哭笑不得》，預計要拍到聖誕。講番今年無綫頒獎禮王喜冇提名，佢一啲都唔介意：「唔緊要，我又唔係佢哋嘅人，好正常。」會唔會因為冇攞過視帝而遺憾？王喜話劉德華都冇啦，自己會以華仔做目標向影帝進發。
