兩位待嫁新娘周家蔚和梁靖琪（Toby）前晚錄影節目《姊妹淘》分享待嫁心情。原先今年跟男友洪天明結婚的周家蔚已鐵定明年3月出嫁，她透露日前跟洪天明接受婚前輔導，各自做了165條選擇題的問卷，而Toby則自爆因節食減肥而心火盛。
周家蔚和梁靖琪前晚到將軍澳電視廣播城，錄影節目《姊妹淘》，兩位待嫁新娘在節目中分享喜悅心情。
就洪金寶拍戲
周家蔚原先今年跟洪天明拉埋天窗，不過現在已鐵定明年3月結婚，她解釋：「因為我哋好多屋企人都喺外地，好似我要等我表妹返，佢會做我伴娘。」
距離婚期只剩下幾個月，時間相當緊迫，周家蔚坦言自己一直懶懶閒，所以現在會找婚禮統籌公司幫手，會否找有做婚禮統籌的Toby幫忙？周家蔚表示：「佢自己都忙，我都唔敢煩佢住。」有消息指周家蔚和洪天明在本月11日結婚，但結果不能成事，有傳周家蔚因此當街向洪天明發脾氣，她聞言說：「梗係唔係，其實另一個原因延遲都係因為uncle（指洪金寶）要拍戲啫。」
周家蔚透露日前跟洪天明一同接受婚前輔導，兩人一同見牧師，再各自做了一份有165條選擇題的問卷，以助雙方在婚前加深了解，周家蔚表示：「雖然未知結果係點，但我覺得點都有幫助，起碼知道大家原來有啲睇法係唔同。」她坦言雙方年紀相差9年，不過難得男友很遷就自己。
Toby激減14磅
而Toby下月初結婚，她透露腰圍已減至24吋，成功瘦了14磅，雖然上圍有縮水，但不致於有很大分別。婚禮上是否以超性感造型出現？Toby謂：「我唔會太性感，唔係老公唔鍾意，只係覺得結婚唔需要，只要舒服就可以。」不過由於節食減磅，搞到Toby脾氣暴躁，而且她亦刻意留長髮，但老公叮囑她結婚後第二日即剪回短髮，兼且可以盡情狂食，因為這樣她在老公心目中才是最美麗開心。
採訪、攝影：何慧斯