模何佩瑜（Jeana）近日處女下海演舞台劇，前晚舉行優先場，Jeana緋聞男友、組合Bro5成員LaYing專程帶靚湯為她打氣，更親自斟湯給女神補一補。Jeana坦言LaYing的細心令她印象加分，受寵指數直逼正印圍村男友。
由Jeana擔綱做女主角的舞台劇《偷窺》，前晚率先在觀塘演出優先場，Jeana緋聞男友、組合Bro5成員LaYing不避嫌到場支持，更帶備親手炮製的私伙靚湯為Jeana打氣。LaYing當她十足女王一樣，親自斟給Jeana即時補一補，果然夠細心。
「貼咗兩層乳貼」
舞台劇中Jeana只穿內衣，披上外套上陣，不過依然狂晒不倒胸，她解釋因為劇情講到和男友有親熱，所以僅穿內衣加外套上場，她說：「不過我打晒底，乳貼都貼咗兩層，但我演出時就冇望過自己有冇真係走光。」提到舞台和觀眾距離很近，會否擔心有觀眾按捺不住衝上台？Jeana表示現場有位柔道黑帶的保鑣，故她絕不擔心，但由於心情緊張，Jeana自爆不停「起雞皮」。
「睇邊個跑得快」
圍村正印男友胡志鵬會否捧場？Jeana表示不知道，但不知他會否靜雞雞到場，她直言：「因為劇情都幾激，所以我都冇打算請佢嚟睇，不過大家有sms聯絡。」之前有傳Jeana和男友分手，她表示現在雙方是朋友關係，但大家的確藕斷絲連。
那為何又請LaYing來看？Jeana指因他是同行，至於對方親手煲愛心靚湯打氣，她笑說：「真係好窩心，我家喺終點等緊，睇吓邊個跑得快，不過佢咁細心煲湯，我係會加分，佢哋嘅距離係拉近咗。」
採訪：文國駿 攝影：陳俊強、黃偉雄
