熊黛林（Lynn）攻城多年，近年已成功入屋。不過，她昨日在尖沙嘴戴着兩億珠寶出席活動，卻爆出多年來沒收過城城送的鑽飾，更遑論求婚鑽戒。Lynn直言一生只會收一隻戒指，更坦言恨收城城送的鑽戒，公開向城城催婚。
熊黛林昨日在半島主持英國珠寶DavidMorris亞洲首間專門店開幕，她戴上價值二億元巨鑽首飾，性感低胸又珠光寶氣，伴住老闆們一齊剪綵。Lynn坦言是自己歷年戴過的首飾中，最名貴的一次，她說：「大會冇講套首飾值幾多錢，但老闆同我講條頸鏈要1億6千萬，淨係主石都20幾卡，好驚，係我入行以來戴過最貴嘅首飾，真係要小心啲。」
唔想城城太破費
問想要收幾多卡鑽石的求婚戒指？Lynn即錫住男友荷包：「如果有人求婚，梗係想要靚，不過我唔捨得佢花太多錢買戒指。」她表示沒收過城城送的鑽戒，問她可恨收？她即坦認：「都想呀！」看來城城應該出手送禮女友。
一生收一隻足夠
Lynn表示自己多年來都沒收過城城以及其他男友送的戒指，她說：「戒指呢啲要小心，一生收一隻就夠喇。」即城城送的就會立即收下？她甜蜜詐儍說：「好驚，突然間問啲咁嘅嘢，其實結婚係兩個人嘅事，要兩個人之間有共識，先可以行埋一齊。」Lynn昨日收重金做剪綵嘉賓，不忘大賣口乖，示意如果有兩億，都會投資買珠寶：「家股票又跌、樓市又跌，都係鑽石升值多啲。」更大讚城城是優質股。
採訪：顏英儀 攝影：葉君海
