已淡出娛樂圈多年嘅何嘉莉，最近喺唐寧同周俊偉主演嘅新戲《大藍湖》中客串做周俊偉老婆一角。近年何嘉莉專注藝術同埋學設計，佢喺大學修讀藝術時識咗呢套戲嘅導演曾翠珊，結果一拍即合客串一角。雖然今次客串演出，不過何嘉莉並無意復出娛樂圈，仲話：「我都係會專注搞藝術同時裝生意。」