樂壇新人梁佑嘉之前自掏腰包製作個人韓國旅遊特輯，再包埋無綫嘅廣告時段播出，豪花百萬為自己宣傳，名副其實富貴新人。難得有人出錢出力，無綫當然都要做番啲嘢報答人哋，好似上星期播出嘅《勁歌金曲》當中嘅「勁歌金榜」，梁佑嘉撼贏一眾歌手包括容祖兒、陳偉霆同鄭欣宜，憑一曲《FeelingMe》得到冠軍歌，無綫擺明知恩圖報。