文穎珊（JaniceMan）與圈外富貴男友李冠峰拍拖七年，昨日她在尖沙嘴出席化妝活動時，自爆不敵七年之癢，已與男友分手半年，但上月JM被拍到與男友玩新車，她昨日談分手時又沒半點傷心，擺明講大話，似乎想轉玩地下情。
文穎珊昨日與女模AnaR.到尖沙嘴出席Dior聖誕彩妝活動，JM透露老闆娘樂基兒（Gaile）有教她化妝，更謂Gaile與黎明一直都好sweet。談到有傳黎明准許Gaile為他生BB，JM說：「我冇聽過，人到咗某階段要做唔同嘅事，係好自然，有咗會恭喜佢。」
上月一起試車
談到自己的戀情時，JM卻自爆與拍拖七年的富家男友李冠峰分手半年，她說：「我哋分開咗一排，之前要冷靜一下係正常。」問到分手原因，JM說：「兩個人一齊唔係淨係sweet，家唔係唔代表以後唔係，希望我哋可以做番好好嘅朋友。」分手感到可惜？她說：「冇得咁講，分手唔關第三者事。」
自JM加入黎明的Amusic之後，她已不敢將戀情掛在口邊，有指黎明下旨不准旗下藝人高調拍拖，JM因此甚少談及戀情，不過傳媒經常拍到她與男友出雙入對，上月中JM在尖沙嘴試玩新車，男友李冠峰也相陪，因此今次JM說分手半年擺明講大話，似乎想轉玩地下情。
Ana視JC為妹
此外，AnaR.的師妹JessicaC.早前流出情慾片而避走台灣工作，JC日前已返港，Ana說：「JC每個禮拜都去教堂，為身邊朋友祈禱及感恩，絕對不可以將兩件事相提並論。她現在很好，不過律師建議她不要評論。她就像我妹妹，知道她不是故意，任何人都有可能發生。」
採訪：盧妹
攝影：陳志嵐