唉！有感情煩惱，搵邊個好？有個車路士球迷同個巴西女仔拍拖，但女朋友成日讚藍戰士嘅中堅大衛雷斯（右）好有型、好靚仔，仲要朝思暮想，搞到呢個車迷好冇安全感。作為「第三者」嘅大衛雷斯知道fans有煩惱，出嚟教佢兩招，叫佢畀啲信心，繼續愛佢女朋友，仲話：「你女友呢種表達方式，其實佢係愛你嘅，你要堅持！繼續愛你女友！」