瑞士天王費達拿（圖）喺今年一個大滿貫都贏唔到，估唔到標到尾會，喺年尾連贏兩個冠軍。繼喺老家贏咗瑞士室內賽之後，費天王喺星期日巴黎網球大師賽決賽，直落兩盤輕取泰桑高，第1次喺呢個賽事稱霸。連贏兩個錦標，費達拿對下星期喺倫敦開打嘅年終賽信心自然大增。不過話時話，打到家「1哥」迪祖高域同埋拿度都打到殘，唞夠嘅費天王要3連冠又確係值得睇好。