莫文蔚（Karen）噚日喺中環出席一個新婚生活品牌舉行嘅頒獎禮，同場仲有陳貝兒、梁慧恩，仲有即將拉埋天窗嘅范振鋒同李思欣等，Karen喺台上暢談新婚心情，大會仲安排咗一個中英混血小朋友向Karen獻吻。
Karen同德籍老公下個月會喺香港補辦結婚派對，佢話要請好多人：「開頭打算請百零個朋友，但家越諗越多人，會印二百張帖。」嘩！請咁多人會唔會嚇親老公，佢有冇心理準備要招呼咁多親友？Karen笑笑口咁話：「係呀，佢好似好神秘咁，好多人想見佢，都幾多人讚佢靚仔。」Karen仲話婚後首個聖誕節，會飛到德國跟老公及其家人度過，不過自己父母就唔會一齊去玩。