塞爾維亞雖然曾經攀上歐洲二線頭的位置，不過球隊近期表現下滑，在周一的友賽到訪洪都拉斯時，就算後者的實力麻麻，亦難言穩勝。既然兩軍都有弱點，不如取今役入球開「細」，有1.59倍。
塞爾維亞前身南斯拉夫於國際球壇成績不俗，就算在內戰而分裂後，無論以塞黑抑或塞爾維亞的身份參加國際大賽，都曾殺入過決賽周；不過，隨着一班星級戰將如高華斯域、史坦高域及尼曼查維迪等於國際賽「掛靴」，塞爾維亞基本上人才凋零，而當球隊於2012歐國外出線失敗後，教練柏度域亦黯然離隊，今役要由臨時教練居錫領軍。
洪軍近仗頻輸
居錫首戰就是帶領塞爾維亞於上周五對墨西哥，結果輸0:2。今訪洪都拉斯時，塞軍料續倚重施積攻堅，但球隊攻力相當疲弱。
洪都拉斯今役亦以試陣為主，隊中較為球迷熟識的，只有效力巴勒莫中場艾格艾華利斯，而且球隊近4場輸3仗，今役亦難寄厚望，一於取入球「細」。
吾中
入球大細
星期一2洪都拉斯細（1.59）