女人生完仔坐月係中國傳統，唔可以吹風、食生冷嘢同飲酒等，但外國就冇呢一套。謝拉特老婆居倫啱啱生完女，唞咗10日就去蒲。英國記者影到居倫扮到靚靚，着住高踭鞋單拖出街（圖），雖然身材肥咗少少，但完全唔似啱啱生完女，可能同佢大肚時多做瑜伽有關。佢嗰晚先同朋友食意大利菜，之後落吧豪飲，話佢10日前先喺醫院生女，轉頭已經可以出街喪蒲，真係講都冇人信！