唔通德國女球迷對中坑有偏好？因為喺德國一個女性網站嘅「最想同邊個德甲球星上床」嘅調查中，效力利華古遜嘅35歲中場波歷克（圖），竟以19.5%當選，力壓其餘22名網站挑選嘅球員，至於排第2嘅係今季入球停不了嘅馬里奧高美斯，「小豬」舒韋恩史迪加則排第3。不過，最樣衰嘅係德國隊長兼拜仁後衞拿姆，因為佢係零得票，冇人要呀！