內地女藝人孫儷今年跟同係演員嘅鄧超奉子成婚，上星期六（12日）凌晨孫儷順利誕下囝囝，老公鄧超成晚陪伴左右，一索得男嘅佢哋可能開心得滯，暫時未有公開露面。噚日有網友爆料，聲稱孫儷同鄧超已經幫心肝寶貝起咗個靚名，就係叫鄧麟，取其「麟子」嘅意思，不過一對新任父母都未有證實呢個係咪真係囝囝嘅名字。