回復單身後的莊思敏引來不少狂蜂浪蝶，早前獲李澤楷表弟、廖碧兒富豪舊愛林忠豪狂追，林忠豪除了送上iPhone4S打動芳心外，更出動500萬名貴跑車接送，不過不乏追求者的莊思敏似乎不受落，目前仍十分享受單身生活。
前晚莊思敏趁不用開工到銅鑼灣名店坊血拼一番，並相約助手到時裝店購物，莊思敏不停試耳環和新款服裝，她邊試太陽眼鏡邊扮出嘟嘴Chok樣，十分搞笑。及後莊思敏到附近美容院做排毒療程，離開時遇到曾合作的舞台劇監製Tommy，莊思敏與他傾到雞啄唔斷，更相約齊齊揼骨鬆一鬆。
搵伴過聖誕
此外，莊思敏昨日於數碼港出席腕錶活動時表示想快點找到新男友：「家冇人追，同Deep（吳浩康）分手後好少聯絡，我希望聖誕節之前可以搵到男朋友，唔想過lonelyChristmas。」莊思敏又透露與林忠豪仍有短訊聯絡，更笑言兩人可互相介紹男、女朋友。
採訪、攝影：黃文成、李志明、龍婉琪、譚倩宜