星期五早上埋頭公務，有同事經過房間問我：「頭先有冇MakeAWish呀？」他見我一臉不解就接着說：「2011年11月11日11點11分嘛！百年一次值得紀念哦。」我只報以輕笑不置可否，心想暗忖咁又點呀！雖然香港有1017對新人唔係咁諗，否則當晚我亦都唔使去飲兩餐！
不是潑冷水炒冷飯，但我想千禧2000年元旦更加千載難逢（不信的話，可問那些因千年蟲趁機大做生意的人），許願和結婚的亦然更多。那刻大家滿懷希望的迎接新世紀，不知道現在還有多少人會記得，當天的豪情壯語或海誓山盟。咁蹺，起碼有兩位我認識在那天成家的經已離異。
應嚴肅看待
上個星期寫了港人以至港孩無夢，但反之則諸多「願望」，舉凡喜慶時刻，生日、元旦、新春，甚至乎大前天那所謂特別日子都會起哄許願，樂此不疲。大家圖個熱鬧柴娃娃製造氣氛。願主因應氛圍隨心祈求，旁人贈興附和，其實誰也不會「上心」。縱有一刻感動，一時激動，轉眼已經無影無蹤，論絢爛不比年初二晚的煙火，但肯定更加剎那！
所以大願未竟，我們的世界還不太和平；社會越發不定；就算只是面對生活種種，依舊埋怨不停，小望未酬。點解？咪就係因為我哋只在全年某幾日忽然神心的說說「願望」而已，其他日子都沒有好好想過真的去實現它。
熱血是態度
有人可能又祭出神獸「認真你就輸鳥」。實情係大部份人平日都真係無幾何認真，除咗檢查自己仔女嘅功課，又或要趕死線，咁就冇得Hea冇得Pend，就好像自己平日交稿一樣。但我始終認為人應要嚴肅認真去看待「願望」，雖然沈佳宜也曾說過：「人生很多事本來就是徒勞無功的」，但經過努力而達不成的「願望」，比起每次例行公事說完就完的「願望」，本身就已是熱血得多。甚麼？你連熱血的狀態是怎樣也不甚「鳥鳥」，還是回去吹蠟燭切蛋糕算吧。
盧先亞