陳奕迅（Eason）前晚喺台中舉行《DUOPart2》三場台灣巡迴個唱，喺台上Eason忘我演出，唱到興起時仲索性拉開衫露咗一點，搞到台下歌迷係咁不停尖叫。Eason見到自己嗰一點搞到啲fans咁興奮，佢都叫fans冷靜啲：「我不過是露點，沒有甚麼好叫的，有沒有記者？沒有就白脫了！」
「搏命唱到爆咪」
Eason除咗唱自己嘅歌外，又唱出李宗盛嘅經典作《當愛已成往事》，掀起另一個高潮。當晚Eason兩度安哥，佢再一口氣連唱6至7首歌先肯落台走，fans就狂叫安哥，足足擾攘咗成20分鐘先慢慢散去。
另外，明年4月Eason將再到倫敦開騷，佢仲成為首位到著名場地O2Arena開騷嘅華人歌手，之前喺嗰度演出過嘅粒粒都係巨星，包括有麥當娜（Madonna）、LadyGaGa同Beyonce等，就連米高積遜（MichaelJackson）喺離世前嘅《ThisIsItWorldTour》，原本都打算喺嗰度舉行，Eason對於可以喺O2Arena開騷話：「興奮到腳震，好光榮，一定會搏晒命唱到爆咪為止。」