【本報訊】iPhone4S熱潮席捲全球，零售商及電訊商看準市民趁墟心態，出賤招發售iPhone4S牟取暴利。多名讀者向本報投訴，指豐澤要求用家額外購買3,000元貨物，才可購買iPhone4S，「當我哋係水魚」；亦有讀者指向數碼通預訂iPhone4S，卻遲遲未肯定是否有貨，如果取消預訂，就要賠償500元。
須先買$3000貨品
讀者鍾先生表示，前晚8時許到元朗廣場的豐澤通宵輪候購買iPhone4S，有人曾向職員查詢會否派籌、是否有貨等事宜，均不獲回覆。昨晨9時豐澤開舖，職員隨即指「要買一件3,000蚊或以上貨物，先可以買iPhone4S」。
他認為安排不合情理，「買部電話要先買部電視，當我哋係水魚，百分百掠水」。iPhone4S最後由一群有專車接載的內地人買走，「香港人點會肯畀多3,000蚊買多件家電？係大陸人先會買。」另有多名讀者在豐澤其他分店有相同投訴。
讀者郭先生指出，早前向數碼通預訂iPhone4S，數碼通卻「唔肯講幾時先有貨」，如取消預訂就收取500元，覺得不公平。
豐澤發言人稱，「單機iPhone4S已經冇貨」，為回饋豐澤「忠實」買家，現設「忠實計劃」，在單一貨物買滿3,000元，就可購買iPhone4S。記者問買不夠3,000元是否代表不夠忠實、為何不能把綑綁式iPhone4S與其他貨物分開售賣等，發言人只重申「單機4S冇貨」。
數碼通則表示，預訂iPhone4S表格已列明所有條款，「承諾唔到幾時畀貨客人，係因為我哋都唔知Apple幾時畀貨我哋」。