容祖兒前晚到銅鑼灣出席Fiat汽車陳列室開幕活動，並透露早前有意購買此車，她說：「我之前仲同細佬上網搵呢架車嘅資料，估唔到公司就幫我接咗呢個job，家應該有少少折頭。」祖兒表示十分享受駕車，因她覺得屬於個人空間，她又指以前曾試過迷路，她說：「我車個朋友入上水，經大老山隧道，點知走嘅時候我去咗小欖。有次行西隧過海，唔知點解又返番九龍。」
祖兒又指眾多藝人朋友中，覺得劉浩龍的駕駛技術不錯，她說：「始終男仔揸車會顧全大局多啲，不過我好怕有啲朋友邊揸車邊鬧的士司機，所以揸車都可以睇清一個人嘅真性情。」談到李治廷涉嫌醉駕，祖兒強調不可冒這個險，她堅持每次喝酒後都不會駕車。
採訪：李珮洳 攝影：黃文偉