已故社交界名人周啟邦家有3部勞斯萊斯，分別是改裝成金色的70年代幻影（Phantom）、粉紅色的SilverShadow，以及由杏色改為淺粉紅色的不知名型號。
平時多以七人車代步
其兒子周國豐（圖）說：「爸爸鍾意金色，媽咪就鍾意粉紅色，所以好多時佢哋一齊出席大型活動，都會每人坐一部車。」他透露家中的勞斯萊斯主要招呼賓客，或是父母出席社交活動時間中使用，對上一次出動為其兩年前的婚禮。
周國豐對勞斯萊斯有感情，「有好多細個嘅片段都係坐喺Rolls-Royce度。平時多數以七人車代步，但有一次返學嘅時候，屋企所有車壞晒，除咗架金色勞斯萊斯。因為金色太搶眼，架車又大，所以覺得好尷尬，匿咗係車底，叫司機喺學校附近兩條街放低我，自己行返去。」
他認為勞斯萊斯是少數由英國生產的汽車品牌，外形優雅中帶含蓄、有氣派，內櫳夠寬敞，是最舒服的房車，「新嘅Phantom太大架，失去咗古典味，Ghost就比Phantom細架啲，唔排除將來有機會買返架Ghost。」