Jeana×梁奕倫　偷窺坐蓮

模氾濫，想極速上位除了靠身材亦要靠包裝，新一代宅男女神何佩瑜Jeana不但有玲瓏浮凸的身形，更憑大膽出位言行拼得不少娛樂頭條。若然要揀選一款車來配襯Jeana，絕對非外形浮誇招搖的LotusExigeS莫屬，身形浮凸的Jeana坐上線條美感同樣爆燈的ExigeS之上，梁奕倫亦不禁即場上演一幕《偷窺》作為舞台劇的熱身預演。

記者：許維雅　
攝影：伍慶泉

各師各法求突破

躍升成為新一代性感女神的Jeana，上位後唔止無封胸，下星期還來個大解放，夥拍梁奕倫演出舞台劇《偷窺》。單睇劇名都已經充滿話題性，舞台更會變成一個大黑盒，觀眾入場欣賞要靠黑盒上不同位置的小窿，演員觀眾齊齊偷窺。
兩位主角都是舞台劇新丁，演出經驗尚淺的Jeana簡直是越級挑戰，所以兩位都不約而同話今次舞台劇是人生的大突破，Roland話：「我們三個月前一齊去了創作舍上堂，學到很多以往從來唔知的東西，如導演教我演舞台劇不能做戲，要Lifeinthismoment，吸取今次經驗希望為自己尋找更多的出路。」Roland為了給觀眾驚喜，更留鬚、曬黑、染髮，希望以一個麻甩佬護衞造型洗脫深入民心的主持形象。
至於不介意性感演出挑戰被底線的Jeana話：「我所得到的根本難以形容，就連做人處事方面的經驗也有所得着，最難忘的是一群人發揮teamwork精神的力量，原來好重要亦好厲害，互相配合先可令件事更加圓滿。」同樣尋求突破的還有今次讓他們試坐的LotusExigeS，最低入門版降價至$689,000招客，比原價平足二十萬，希望以進取價錢吸引車迷入場感受這部223匹馬力小辣跑的魅力。

■出名難上落的蓮花考起要扮有型護衞的Roland。

■叫Roland即場上演一幕偷窺戲，兩位主角皆投入。

立體身形　吸引偷窺目光

雖然兩位均屬無牌一族，對車研究不多，而Roland更自嘲是操控白癡、搭車講電話都會落錯站的人，呢一世都應該唔可以揸車，但兩位都大讚ExigeS的外形突出。Sport版配置的前後擾流及包圍成功令扁平流線的Exige更誇張搶眼，於車頂微微凸起如脊骨的入風口，亦有助令立體造型更加動感，加埋頭尾冚散熱風口的獨特造型、特大尾翼及黑邊黑燈箱的欖形頭燈，ExigeS的招搖確實輕易吸引途人目光，同Jeana的身材絕對有得揮。
識得靠立體線條上位，Jeana可算是專家，於劇中要以性感演出挑逗幾位男主角讓他們偷窺，再次引來熱話。那兩位對偷窺究竟又有咩睇法呢？Roland說：「現今狗仔隊文化已將偷窺變得合情合理化，不過大家又毋須將偷窺視作邪惡，因為每個人由細到大於生活上都試過偷窺，facebook同微博咁流行，就係滿足人愛偷窺的好奇心，唔係朋友都可偷窺對方生活。我細個時都鍾意偷望對面屋一家人，睇見每個家庭成員都有不同生活習慣，感覺有趣，其實只要唔好將偷窺習慣變成歪念便可。」Jeana說：「我最印象深刻的偷窺係細個瞓覺時聽到爸媽房有聲傳過來，於是打開門偷望，哈哈哈，之後覺得好尷尬。」