英格蘭近一年銳意年輕化，曼聯後衞菲爾鍾斯自然都係卡比路考察對象。鍾斯話自己係英格蘭死忠粉絲，02年10歲仔嗰陣，睇到施文俾「細哨」笠死累英格蘭喺世盃出局即刻喊咗出嚟，不過今晚對住世界第1嘅西班牙就堅強得多話未驚過。鍾斯亦都好識做，賽前同一班前輩打高爾夫球輕鬆吓，仲力撐近排負面新聞多多嘅泰利：「泰利係天生領袖，家國家隊內部一切冇變，繼續團結一心。」